Веројатно досега сте слушнале многу совети за здравата исхрана бидејќи тоа влијае на целиот наш живот. Доколку се грижите за вашиот изглед и не сакате да стареете предвреме, избегнувајте преработена храна…
Храна богата со шеќер
Крофни, кроасани, чоколади, колачиња… Сето тоа се намирници кои се богати со шеќер, масти и бело брашно. Исхраната богата со шеќери води до многу болести. Високиот шеќер во крвта доведува до недостаток на витамини во телото, недостатокот на витамини го зголемува стресот, а сите добро знаеме колку стресот влијае на изгледот.
Месни производи
Колбаси, виршли, салама, паштети и сите намирници кои содржат премногу сол и конзерванси. Не е проблематично само месото, туку токму она што се става во него при преработката и изработката на месните производи.
Похована и пржена храна
Колку што можете, избегнувајте пржена храна бидејќи ова се најлошите видови масти поврзани со многу сериозни болести.
Сè на сè, избегнувајте храна со премногу сол, шеќер и масти. Секогаш кога се сомневате, јадете оброк дома наместо во ресторан или киоск за брза храна бидејќи вие најдобро знаете што и како сте зготвиле. На овој начин ќе инвестирате во вашето здравје и убавина.
