‘Рчењето е навистина досадна појава која освен што го вознемирува партнерот, му штети и на вашиот сон. За да се спречи ‘рчењето, неопходно е, пред сè, да се најде причината.
Еве неколку едноставни трикови кои можат брзо и ефикасно да го решат овој проблем:
Перница
За да се спречи ‘рчењето потребно е да се исчистат дишните патишта. Најлесен начин да го направите ова е со перница. Спијте на многу тенка или густа, двојна перница. И двете варијанти ќе ви овозможат слободно да дишете, а со тоа и да престанете да ‘рчите.
Избегнувајте млеко
Се препорачува да не консумирате млеко и млечни производи како пробиотици, јогурт и кисело млеко попладне или пред спиење, бидејќи тие го стимулираат производството на слуз што може да ги блокира дишните патишта и да предизвика ‘рчење.
Намалете ги килограмите
Факт е дека покорпулентните луѓе имаат повеќе проблеми со ‘рчењето. Слабеењето е добро за вашето здравје и ќе го ослободи протокот на воздух, ќе го олесни дишењето, а со тоа и ќе спие.
Мед
Една кафена лажичка мед пред спиење е здрава за вашето грло и слузокожата, а може да помогне и при проблеми со дишењето, кашлањето и ‘рчењето.
Спијте на страна
Со спиење на грб ги притискате дишните патишта што доведува до ‘рчење, додека положбата на левото или десното рамо ги отвора. Исто така, спиењето на гради без перница може да ви го олесни дишењето. Исто така, распрашајте се за анатомски перници кои се специјално дизајнирани против ‘рчењето.
Избегнувајте алкохол и дрога
Можете исто така да го спречите ‘рчењето со избегнување на алкохол и средства за смирување. Иако и од двете ќе спиете многу цврсто, тие ги опуштаат мускулите на грлото, што може да доведе и до ‘рчење.
Професионална помош
Ако ниту еден од овие шест трикови не ви одговара, пробајте лепенки против ‘рчењето кои се ефективни и многу лесни за употреба. Ако овие алтернативи не ви успеат, се што треба да направите е да се консултирате со експерт.
