Сенфот е храна без која денес не може да се замисли модерната кујна. Освен мајонез и кечап, тој е најчестиот додаток на сендвич и хот дог, но исто така е одличен додаток на многу гурмански специјалитети, а особено добро оди со свинско и пилешко месо.
За да се направи овој, скоро неизбежен зачин, поточно неговата паста, се користат зрна од синап. Синапот припаѓа на семејството зелка. Денес има околу 40 различни подвидови на сенф, но според бојата и вкусот, разликуваме три основни типа: црна – продорен вкус и помала големина, кафеав – повеќе лут, кој најчесто се одгледува и бела – бледа боја, со најмногу семе, со наслаб вкус. Семето од синап се чува во затворени контејнери на ладно, темно и суво место. Сенфот на суво и ладно место може да трае до една година.
Еве неколку помалку познати факти за сенфот…
1. Сенфот е еден од најстарите зачини и додатоци на храна.
2. Се верува дека првпат бил користен во Индија, 3.000 п.н.е.
3. Пред употреба во готвење, сенф се користел за медицински цели. Пастата од синап (растението од кое се прави сенф) се користи за ублажување на болката во мускулите и забоболка. Сенф исто така се користел за подобрување на апетитот и варењето на храната, против синузитис и за подобрување на циркулацијата.
4. Подготовката на сенф ја усовршиле Французите, па затоа француските манастири имале големи приходи во 9 век од продажба на сенф. Италијанците го консумираат со печена риба, Англичаните уживаат со говедско месо, а Германците со веќе познатите традиционални колбаси.
5. Во некои делови на Данска и Индија се верува дека злите духови можат да бидат одбиени ако семето на синап се шири околу куќата.
6. Најголеми потрошувачи на сенф се жителите на САД.
7. Во американската држава Висконсин, постои музеј посветен на сенф – музеј од синап „Маунт Хореб“.
8. Годишно се јаде околу 317 милиони килограми сенф во светот.
9. Сенфот се прави од синап, и се додаваат оцет, шеќер и вода. Други зачини кои го збогатуваат вкусот може да се додадат во сенфот.
10. Познатиот математичар Питагора рекол дека сенфот го изострува умот.
