Во новата студија објавена во The Journal of Cosmetic Dermatology, двајца дерматолози од Индија изјавија дека витаминот Д е вклучен во различни сигнални патишта за раст и диференцијација на фоликулите на косата на неколку начини.
Она што забележале е дека витаминот Д влијае на циклусот на раст на косата, па затоа тргнале да спроведат сопствена истрага за витаминот Д како „потенцијална терапија против опаѓање на косата“.
Витамин Д и алопеција со лузни
Анализата на овој специфичен истражувачки тим не обезбеди докази за силна поврзаност помеѓу недостаток на витамин Д и ќелавост.
Сепак, тие цитираат една претходна студија која покажала врска помеѓу ниските нивоа на витамин Д и алопеција со лузни – вид на ќелавост што погодува три проценти од машките и женските пациенти, според WebMD.
Алопеција со лузни се јавува кога фоликулите на косата се трајно оштетени и заменети со развој на ткиво со лузни.
Витамин Д и кожа
Можно објаснување за улогата на витаминот Д во спречувањето на овој тип на опаѓање на косата е дека витаминот Д игра важна улога во подмладување на кожата, што важи и за скалпот, пишува Eat This, Not That.
Улогата на витаминот Д во формирањето на фоликулите на косата
Според др. Rakel Kohran Geders, витаминот Д е еден од витамините растворливи во масти кои се неопходни за одржување и создавање на функцијата на фоликулите на косата.
