Зајакнувањето на имунитетот е фраза која најчесто ја слушаме, но која во никој случај не треба да ја игнорираме.
Да се има силен имунитет е од суштинско значење за секоја сезона, а модерниот начин на живот често доведува до негово нарушување. Нормалниот имунитет го штити организмот од разни болести, инфекции и зарази.
Поради сето ова, важно е да се посвети целосно внимание на имунолошкиот систем за навреме да се забележат отскокнувања.
Како да препознаете ослабен имунитет
Падот на имунитетот значи неспособност на организмот да се одбрани од одредена инфекција и токсините кои го напаѓаат. Кога телото е ослабено, повеќе нема способност да се бори против своите антитела со надворешни патогени како што се вируси, бактерии и габи.
Тоа доведува до поизразена реакција на организмот на инфекцијата и до потешко или невозможно совладување на болеста, што може да има катастрофален исход. Она по што прво ќе препознаете ослабен имунитет се честите и долги настинки и инфекции.
Покрај тоа, други знаци на намален имунитет се постојана исцрпеност и замор, промени на кожата како херпес и егзема, бавно зараснување на раните, отечени лимфни јазли, чувство на студ.
Како да се зајакне имунитетот?
Здравата исхрана е клучот за добар имунолошки систем. Експертите велат дека во зима најдобро е да се придржувате до медитеранската исхрана, која вклучува многу овошје и зеленчук, кромид, лук, риба богата со маснотии и цели зрна. Витамините Ц и Д се многу важни за нормално функционирање на организмот, а се препорачува да се земаат како суплементи.
Но, луѓето често забораваат дека покрај здравата исхрана, потребно е да се внимава и на другите животни навики за силен имунитет. Првенствено за спиење и физичка активност. Докажано е дека за нормална функција на телото се потребни седум до девет часа сон секоја вечер.
Исто така, научно е докажано дека стресот ја намалува отпорноста на телото, а еден од подобрите начини на кои можете да се справите со стресот е дефинитивно вежбањето, односно физичката активност.
