Млекото од компир е најдобрата опција за здравјето на планетата и човекот.
Мора да се признае, да се биде веган или да се јаде претежно растителна храна денес не е исто како пред 20 години кога опциите за храна и пијалоци беа навистина минимални.
Секој ден на пазарот излегува нова веганска опција за риба, сирење, месо или во случајов млеко, која можете да ја направите сами. Веќе знаеме да правиме млеко од јаткасти плодови, па дури и овес и ориз, но компировото млеко е новитет како одговор на прашањето: „Кое растително млеко најмалку и штети на планетата?“.
Шведскиот бренд „Дуг“ дошол на идеја како алтернатива на млекото од јаткасти плодови, чие производство троши многу повеќе ресурси отколку во случајот со одгледување компир.
Дали млекото од компир е нов хит хербален пијалок?
Покрај тоа што е една од најдобрите опции кога станува збор за планетарното здравје, млекото од компир содржи помалку шеќер и масти и не содржи вообичаени алергени, што го прави одличен избор за оние кои се чувствителни на лактоза, глутен или јаткасти плодови.
И без грижи, вкусот не е на компирот, туку е многу неутрален и може да се пие сам, во кафе или да се користи за готвење. Цената на компировото млеко моментално е околу две и четири фунти или околу 150 до 300 денари за литар, а може да се нарача и преку Амазон, иако се уште не е испорачан во Македонија.
Со оглед на тоа колку брзо се развива домашната растителна понуда, веруваме дека ова млеко наскоро ќе можеме да го најдеме и кај нас.
