Едноставно јадење со тиквички во кое ќе уживате.
Состојки:
- 3 тиквички
- 2 лажици маслиново масло
- 3 млади кромид
- 1 мал куп босилек
- 150 гр сирење
- 2 јајца
- 100 мл крем за готвење
- 2 чешниња лук
- сол, бибер
- магдонос
- 2 лажици пармезан
Подготовка:
Загрејте ја рерната на 200 степени.
Измијте ги тиквичките, исушете ги и исечете ги на потенки прстени, а потоа посолете сè убаво.
Исечете го кромидот и босилекот, и изрендајте го сирењето.
Доколку тиквичките испуштиле вода, исцедете ги малку и потоа измешајте со кромидот, босилекот и сирењето.
Садот за печење премачкајте го со маслиново масло, а потоа во него наредете ги подготвените тиквички.
Изматете ги јајцата, промешајте го кремот, исечете го лукот, додадете малку сол и бибер.
Со смесата, потурете ги тиквичките.
Печете околу 15 минути, а потоа посипете со пармезан и печете уште пет минути за да добиете жолта боја.
