Дома Твој готвач Ова е рецептот за најсочниот традиционален босански бурек

Ова е рецептот за најсочниот традиционален босански бурек

80
0

Ова е рецептот за најсочниот традиционален босански бурек

Бурек има богата и сложена историја која датира неколку векови наназад. Неговото потекло најчесто се поврзува со отоманската кујна, но јадењето има и различни регионални варијации низ Балканот и Блискиот Исток.

Бурек веројатно еволуирал од јадење познато како „börek“ во Турција, кое е дел од отоманската кулинарска традиција. Турската верзија често користи различни видови филови, вклучувајќи сирење, зеленчук или месо , а кога Османлиите го освоиле Балканот, јадењето брзо се раширило и се приспосоло на локалниот вкус. Во различни земји, како Босна и Херцеговина, Србија, Црна Гора и Македонија, бурекот стана омилено јадење со свои специфични варијации.

Состојки за тестото:

500 гр брашно

250 мл вода

1 лажичка сол

2 лажици масло

Состојки за филот:

500 гр мелено месо

2 главици кромид

3-4 лажици масло или путер

Додадете сол и бибер по вкус

100 мл вода (по потреба)

1 пакување готови кори (по избор, доколку сакате да го олесните процесот)

Подготовка:

Во голем сад измешајте ги брашното и солта. Постепено додавајте вода и масло, мешајте додека не добиете мазно тесто. Тестото обликувајте го во топка, покријте го со крпа и оставете го да отстои 30 минути.

Загрејте го маслото во тава на средна топлина. Додадете ситно сечкан кромид и пржете додека не порумени.

Во тавата додадете мелено месо, посолете и побиберете по вкус. Пржете додека месото не се свари добро, повремено мешајќи. Ако смесата е сува, додадете малку вода и варете уште неколку минути додека не се соедини. Оставете да се излади.

Тестото поделете го на 4-5 помали топчиња. Секое топче расукајте го колку што е можно потенко. Ако користите готови кори, прескокнете го овој чекор.

Врз истегнатото тесто ставете го филот од месо и кромид. Расукајте го тестото во форма на полжав или свиткајте го на триаголници.

На дното на плехот ставете малку масло и наредете го бурекот. Одозгора прелијте го остатокот од маслото. Загрејте ја рерната на 200°C. Бурекот се пече 30-40 минути додека не порумени. Послужете ги топли, со јогурт или кисело млеко.

Остави одговор

Ваш коментар
Вашето име