Овие намирници се достојна замена за купените пробиотици
Урамнотежената цревна микрофлора е неопходна за здравје и виталност, а некои лесно достапни намирници помагаат во нејзино одржување
Таканаречените добри бактерии или пробиотици во цревата ја обработуваат храната, ги потиснуваат штетните видови бактерии и вируси, но и ги разградуваат токсичните материи.
Поради неправилна исхрана, стрес, лекови (особено антибиотици) и нездрави навики како што се пушењето и прекумерното консумирање алкохол, често се нарушува рамнотежата на цревната микрофлора.
Нерамнотежа значи дека има премногу лоши бактерии во цревата и премалку добри бактерии. Последиците може да вклучуваат дигестивни проблеми, алергии, проблеми со менталното здравје, дебелина. Се смета дека здравствените придобивки од пробиотиците доаѓаат од нивната способност да ја обноват природната рамнотежа на цревните бактерии.
Пробиотиците треба да се земаат најмалку 5 пати неделно за да се одржи нивниот ефект врз цревната микрофлора
Со целна диета, можете да ја доведете вашата цревна микрофлора во рамнотежа.
Јогурт
Овој млечен производ е секако најпознат извор на пробиотици за пошироката јавност.
Истражувањата покажаа дека пробиотиците дури и помагаат во ублажување на симптомите на нетолеранција на лактоза. Исто така, помагаат при проблеми со гасови, дијареа и други проблеми на дигестивниот систем.
Ако навистина сакате, можете да платите повеќе за јогурт кој содржи точно одредени пробиотици, но доволно е да консумирате производ на кој пишува дека содржи „активни бактериски култури“.
Кисела зелка
Кисела или сирова зелка е богата со витамин Ц, но и пробиотици, без кои нашето варење би престанало да работи. Диета богата со кисела зелка им се препорачува на луѓето кои страдаат од гастроинтестинални проблеми и не можат да ги сварат млечните производи, како што е јогуртот.
Кефир
Според легендата, овчарите во планините на Кавказ, кои ја делат југоисточна Европа од Азија, откриле дека млекото што го носеле со себе ферментирало во пенлив пијалок. Дебелиот, кремаст и лут, но сличен на јогуртот, кефирот содржи уникатни соеви на пробиотски бактерии, како и неколку корисни видови на квасец.
Леб со кисело тесто
Следниот пат кога ќе подготвите сендвич, обрнете внимание на видот на лебот што сте го избрале. Имено, лебот од квасец содржи пробиотик кој го олеснува варењето.
Краставици
Краставиците и корнишоните се неоправдано малку препознатлив извор на пробиотици и природни бактерии со млечна киселина.Кога купувате кисели краставички задолжително одберете помал производител на храна, по можност од органско производство.
Младо сирење
Козјото, овчо млеко и меките кравји сирења се особено богати со пробиотски бактерии. Секогаш купувајте сурови и непастеризирани сирења ако сакате да извлечете максимум од пробиотиците, бидејќи на пастеризираните и преработените видови им недостасуваат корисни бактерии.
Што се пробиотици, а што пребиотици
Додека храната богата со пробиотици содржи живи култури, пребиотската храна ги храни добрите бактерии кои веќе живеат во цревата. Аспарагусот, артишокот, бананите, овесната каша, црвеното вино и медот се одлични извори на пребиотици.
Пробиотиците треба да се земаат најмалку 5 пати неделно за да се одржи нивниот ефект врз цревната микрофлора.
