Не е ниту кафе ниту чај! Стоматолог предупреди кој популарен пијалок може да ги оштети забите
За да ги одржиме забите здрави и бели, потребно е редовно да ги миеме, но треба да внимаваме и на тоа што јадеме и пиеме. Повеќето од нас знаат дека некои популарни намирници, како што се кафето и чајот, можат да предизвикаат дамки на забите.
Сепак, стоматолошкиот експерт д-р Калед Касем истакнува дека уште еден популарен пијалок може да предизвика сериозна штета на нашето орално здравје. Тоа е вода со лимон – тренд кој стана особено популарен минатата година.
Оние кои го заговараат тврдат дека помага при слабеење, но Касем наведува дека овој популарен пијалок може да ја нагризи забната глеѓ.
Според д-р Касем, треба да се биде многу внимателен кога се пие вода со лимон, која иако освежува, е и многу кисела. Напитокот, како што сугерира името, се состои од сок од лимон измешан со вода, иако некои додаваат и малку мед, листови од нане, кајен пипер или куркума.
Медицинскиот извештај од 2019 година покажа дека водата со лимон може да има ефекти против стареење, а истовремено помага и за зајакнување на цревниот микробиом. Сепак, и покрај бројните предности, овој пијалок може да има негативно влијание врз забите.
„Водата со лимон може сериозно да ги оштети вашите заби. Сокот од лимон е многу кисел и може да ја еродира глеѓта, што ги прави вашите заби подложни на болести на непцата и расипување со текот на времето. Затоа, доколку тоа е еден од вашите секојдневни ритуали, ве советуваме да го пиете преку сламка за да ги заштитите забите. Доколку се појават рани во устата, престанете да пиете вода со лимон бидејќи киселоста може да предизвика иритација и воспаление!“, препорачува Касем, пренесува Мирор .
