Секоја година 8 Мај се слави како Светски ден на Црвениот крст во чест на основачот на Меѓународното движење на Црвен крст и Црвена полумесечина Хенри Данан, кој е роден на денешен ден во 1828 година. Денот има за цел да го прошири разбирањето на јавноста за Меѓународниот црвен крст и Црвената полумесечина
Под мото: #Незапирливи македонскиот Црвен крст ќе се приклучи на одбележувањето на 8 Мај, Светскиот Ден на Црвениот крст и Црвената полумесечина.
Меѓународниот комитет на Црвениот крст е основан во 1863 година во Женева, Швајцарија како приватна организација за да обезбеди брз и ефикасен хуманитарен одговор на луѓето во областите погодени од војна и катастрофи.
Меѓународното движење на Црвениот крст и Црвената полумесечина е меѓународно хуманитарно движење со приближно 17 милиони волонтери, членови и персонал ширум светот, основано за да се заштити човечкиот живот и здравје, да се обезбеди почит кон сите човечки суштества и да се спречат и олеснат човечките страдања.
Првата конвенција во Женева го призна црвениот крст на бела позадина како единствен, карактеристичен амблем. Бидејќи симболот требаше да ја рефлектира неутралноста на медицинските служби на вооружените сили и заштитата што им се дава, амблемот што беше усвоен беше формиран со пресврт во боите на швајцарското знаме.
Првиот ден на Црвениот крст беше одбележан на 8 мај 1948 година. Официјалниот наслов на денот се смени со текот на времето, и стана „Светски ден на Црвениот крст и Црвена полумесечина“ во 1984 година.
Овој датум е годишнина од раѓањето на Хенри Данан, кој е роден на 8 мај 1828 година. Тој беше основач на Меѓународниот комитет на Црвениот крст и добитник на првата Нобелова награда за мир.
