Напнатите мускули можете да ги опуштите со едноставни вежби базирани на јога. Еве неколку совети.
Петминутна техника за релаксација…
Легнете на грб на тврда површина и ставете перница под вратот доколку ви е поудобно. Намалете го растојанието помеѓу долниот дел на ‘рбетот и подот со кревање на колената кон градите и потоа полека спуштајќи ги, лизгајќи ги нозете преку подот.
Раширете ги нозете така што нозете се оддалечени 20-30 см, а рацете се оддалечени од трупот околу 40 см, дланките свртени нагоре.
Затворете ги очите…
Фокусирајте се на телото и дишењето. Додека дишете, бидете свесни за движењето на стомакот што се крева и паѓа. Полека продолжете да вдишувате и издишувате и насочете ги мислите на чувство дека воздухот ги исполнува белите дробови и дека стомакот се шири со секое вдишување. Почувствувајте го стомакот како се опушта и тоне додека издишувате и замислете како целото тело ви тоне на подот. Како што продолжувате да ја изведувате оваа вежба, ќе чувствувате зголемена релаксација при издишување и леснотија на енергија при вдишување.
Вртење на вратот…
Спуштете се на стомак и застанете во положба потпрени на рацете и колениците и ставете ги рацете на подот веднаш под рамената.
Свиткајте ги рацете додека горниот дел од главата не ја допре земјата и потоа, како што издишувате, нежно превртете ја главата напред.
Запрете кога ќе почувствувате мало затегнување во задниот дел на вратот и останете така неколку секунди. Додека вдишувате, полека свртете ја главата на другата страна додека челото не го допре подот. Полека повторете ја целата низа 20 пати.
