Сезоната на грип е во полн ек – а бројот на заразени од Ковид се зголемува од ден на ден. Затоа е многу важно да го зајакнеме нашиот имунитет, што можеме да го направиме со правилна исхрана, физичка активност, како и грижа за нашето ментално здравје.
Јадете добро
Обидете се да ги добивате основните хранливи материи од храната. Целта е да се избегнат недостатоците на витамините А, Ц, Д, Е и К, цинк, селен и железо. Исто така, треба да ги одржувате вашите црева здрави, диета богата со различни извори на влакна. „Седумдесет проценти од имунолошкиот систем е во цревата – тука се формираат цревните микроорганизми и го регулираат нашиот имунолошки систем“, објаснува имунологот Џена Макиочи, авторка на Имунитет: Наука за здравјето.
Лесен начин да го направите ова е да вклучите голем избор на овошје, зеленчук, грав, мешунки, јаткасти плодови, семки, билки и зачини во вашата исхрана. Оваа храна содржи многу антиоксиданси, антиинфламаторни, хранливи материи како полифеноли, куркумин и каротеноиди, кои го зајакнуваат имунитетот. И јадете доволно протеини, бидејќи тие обезбедуваат градежни блокови за имуните клетки и антитела.
Витаминот Ц е неопходен за производство на бели крвни зрнца, а многу студии покажаа дека земањето најмалку 250 mg на ден може да ги ублажи симптомите и да го скрати времетраењето на настинката и грипот.
Богати извори на витамин Ц се цитрусите, брокулата, кељот, слаткиот компир, тиквичките и пиперките, како и свежите билки како што е јагликата.
Витаминот А е од витално значење за имунитетот и го има во црниот дроб, месото, рибата, морските плодови, јајцата, чилито и спанаќот.
Цинкот помага во производството на антитела. Храната богата со цинк, како што се семките од сончоглед и тиквите, наутот, индиските ореви, морските плодови и рибата.
Активирајте се
Постојаното, умерено вежбање е одличен начин да станете посилни за време на сезоната на грип.
„Имунолошкиот систем навистина реагира на вежбање“, вели докторот и спортски научник Пит Вилијамс.
„Зголемениот проток на крв и притисокот што доаѓа од вежбањето создава подобра размена на крв и лимфа, зголемувајќи ја способноста на клетките да се доставуваат во телото. „Секојдневното движење има ефект на тренирање“ на имунолошкиот систем, што го прави многу поспремен за битка кога е потребно“, додава тој.
Но, тоа не мора да значи дека поминувате часови во теретана.
„Дури и кратки периоди на вежбање може да доведат до созревање на повеќе имунолошки клетки“, објаснува Рајан Твитс, имунолог од Империал колеџ во Лондон.
Секоја активност што го зголемува пулсот и температурата на телото е добра. Тоа може да биде џогирање или часови по пилатес или јога. И не заборавајте да станувате редовно од вашето биро за да го прекинете периодот на седење.
Чувајте се
Справете се со други фактори на животниот стил, како што се нивото на стрес и квалитетот на спиењето, кои исто така се дел од сликата за здравјето на имунитетот.
„Спиењето е клучно за тоа колку добро функционира нашиот имунолошки систем – целјте помеѓу седум и девет часа, придржувајте се до постојаното време за спиење и будење и обезбедете си малку сончева светлина во текот на денот за да можете да го регулирате вашиот деноноќен ритам“, вели Макиочи.
Учењето медитација исто така може да помогне. Може да ви користи и туширањето со ладна вода, пешачењето и читањето книга.
