Уролог објасни зошто мажите ретко одат на превентивни прегледи на простата
Дали информацијата дека кралот Чарлс боледувал од рак ги поттикнала мажите повеќе да се грижат за своето здравје и да одат на редовни прегледи?
Проф. Д-р Александар Милошевиќ , уролог, смета дека е добро што ваквата информација излезе во јавноста бидејќи придонесе поголем број мажи да одат на прегледи.
Како што наведува Милошевиќ, „ракот на простата се јавува од 50-годишна возраст и е најчест малигнен тумор кај мажите. Критичните години се околу 65 и 75 година. Исто така, се верува дека мажите кои имаат над 80 години скоро сите страдаат од рак на простата, но без симптоми“.
„Денес постојат различни терапии со кои може да се излечи тумор кај маж на кој му била дијагностицирана оваа болест во почетната фаза на 75-годишна возраст“, вели докторот и додава дека „доколку болеста се јави на 50-годишна возраст, тогаш туморот тешко се лекува и човекот во просек по дијагнозата живее три години“.
Тој додава дека „на 65-годишна возраст мажите со дијагноза живеат уште пет години, а постарите 10 години или повеќе“.
Препораки
Мажите над 50 години треба да одат на преглед на простата најмалку еднаш годишно, што го препорачува и Светската здравствена организација.
Докторот смета дека мажите во 50-тите треба да имаат свој уролог.
