Тенки, крцкави шведски бисквити со ѓумбир и цимет најдобро одговараат со шолја топло кафе…
Ќе ви требаат:
300 гр брашно з
2 лажички прашок за пециво
2 лажички ѓумбир во прав
1 лажичка цимет
180 гр путер
150 гр шеќер
70 гр мед
1 јајце
100 гр шеќер за валкање бисквити
прстофат сол
Подготовка:
Во еден сад измешајте ги омекнатиот путер, шеќерот и медот. Кога ќе добиете лесна, воздушна смеса, додадете го јајцето и мешајте додека не добиете кремаста смеса.
Во друг сад измешајте ги брашното, прашокот за пециво, ѓумбирот, циметот и прстофат сол во поголем сад.
Додадете ги сувите состојки на влажните и измешајте ги да се соединат.
Поделете го тестото на два дела и завиткајте го во проѕирна фолија и чувајте го во фрижидер најмалку 2 часа. Ако сакате да го забрзате процесот, ставете го тестото во замрзнувач половина час.
Загрејте ја рерната на 180 степени. Оладеното тесто се откинува, се обликува топчиња и се валкаат во шеќер. Ставете го на хартија за печење и секое топче притиснете го со чашата што прво ја натопивте во шеќер. Повторете ја постапката пред секој бисквит.
Печете 8 до 10 минути и оставете ги бисквитите целосно да се изладат.
