Судски психијатар откри дали и како можеме да препознаеме психопат
ДАЛИ Е ЛЕСНО да се забележи дека некој е психопат? Психијатарот Сохом Дас се осврна на ова прашање во видео што го објави на YouTube.
44-годишниот форензички психијатар води свој канал, A Psych for Sore Minds, каде често разговара за случаите со кои се сретнал во реалниот живот, без, се разбира, да ги именува луѓето со кои разговарал.
Кога станува збор за идентификување на психопатите, д-р Дас наведува дека „лично проценил стотици пациенти во затвори, психијатриски одделенија и судови низ ОК“.
Во еден клип тој вели дека прашањата што му ги поставуваат редовно се како да препознаеме психопат и како да знаеме дали некој што сме го запознале е психопат. д-р. Дас во видеото вели: „Мојот одговор е овој: психопатите се многу, многу тешко да се забележат“.
Објаснувајќи зошто е тоа така, форензичкиот психијатар вели дека психопатите се „навистина добри во тоа да бидат камелеони и навистина добро се вклопуваат. Тие се исто така шармантни, пријателски расположени и забавни“.
„Значи, мислам дека не можете да кажете дека некој е психопат барем во првите неколку пати кога ќе го сретнете“, додава тој.
„Психопатите ги искористуваат луѓето и продолжуваат понатаму“
д-р. Дас објаснува дека само со текот на времето ќе сфатиме дека психопатите се прилично манипулативни и дека не користат за нешто.
„Тие не ви се пријатели затоа што ги сакаат вашите муабети и вашите шеги. Тие се ваши пријатели затоа што сакаат да добијат нешто од вас. Тие се обидуваат да манипулираат со вас“, истакнува тој.
Целта на манипулација не мора да бидете вие, тоа може да бидат другите околу вас.
„Психопатите ги искористуваат луѓето и продолжуваат понатаму. Тие немаат долгогодишни пријатели со кои емоционално се поврзуваат“, заклучува тој.
Американската психолошка асоцијација (АПА) го користи зборот „психопат“ за да опише личност со асоцијално растројство на личноста. Опишувајќи некои од начините на кои нарушувањето може да се манифестира во однесувањето на луѓето, АПА наведува постојано прекршување на законот, искористување на другите, лажење, импулсивност, агресивност, безобѕирно непочитување на сопствената безбедност и безбедноста на другите и неодговорност – придружени поради недостаток на вина, каење и емпатија.
