Водата секогаш можете да ја збогатите со кришки лимон, лимета, портокал или некое друго овошје.
Пијте вода додека возите, на работа, пред појадок, ручек и вечера. Секогаш чувајте чаша вода до креветот и земете шише вода во вашата чанта каде и да одите. На тој начин ќе останете хидрирани и здрави.
Човек без храна може да преживее еден месец, но без вода не повеќе од една недела. Хидратацијата е од големо значење за здравјето и треба да се внимава колку вода пиеме дневно. Меѓутоа, многу често не пиеме доволно. Еве неколку едноставни начини да пиете повеќе вода.
- Пијте додека возите
Купете шише вода и чувајте го секогаш во автомобилот. Колку течност ќе пиете зависи и од тоа колку време поминувате во лично возило, но ако случајно заглавите во сообраќаен метеж, ќе направите барем една добра работа за себе – ќе бидете хидрирани. Секогаш чувајте го шишето на видно место и пијте секогаш кога можете. - Пијте на работа
Лесно е да заборавите да пиете доволно вода додека сте преморени на работа и само размислувате што сè треба да правите или да завршите за време на работното време. Чувајте шише вода на вашето биро за да биде секогаш во вашите очи за да го запомните и пиете. Многу е едноставно, пијте по неколку голтки секој час.
На работа често се случува да ја занемариме потребата од вода, што може да предизвика главоболки.
- Љубителите на кафе можат да се радуваат на тоа
Добра вест за сите љубители на кафе: кафето може да биде вклучено во дневните потреби за течности. Најдобро ќе направите ако дневната доза кафе ја приготвите дома и додадете прстофат цимет, лажичка мед и неколку капки млеко за да го подобрите неговиот вкус. Пијте го во текот на денот на работа. - Што да направите ако пиете обична вода ве изморува
За некои, вкусот на водата е сосема доволен за да ја задоволи нивната жед, но факт е дека водата нема да го задоволи непцето на огромното мнозинство луѓе и да им пружи вкусно задоволство како што можат обоените и вештачки засладените пијалоци. Но, и многу малку креативност е доволна за да се направи водата возбудлив и вкусен пијалок. Исто како што ќе го збогатите кафето со цимет и мед, во водата додадете парчиња свежо овошје за да и дадете побогат вкус. Додадете исечен лимон, лимета, портокал или лубеница во шише или бокал со вода. Експериментирајте со различни видови овошје, дури и со овошни комбинации, додека не го откриете вашиот совршен рецепт.
Со обична вода и кафе, ќе ви помогне да ги задоволите дневните потреби за течности, а неговиот вкус можете да го подобрите со цимет и мед.
- 8 чаши дневно
Често повторуваната препорака дека треба да пиете осум чаши вода дневно можеби некому му звучи како многу, но всушност не е и многу лесно можете да ја исполните вашата дневна квота. Испијте чаша вода веднаш штом ќе се разбудите. Дехидрацијата резултира со замор на мозокот, па веднаш ќе го поправите со чаша вода. Испијте чаша вода пред појадок, ручек и вечера бидејќи понекогаш гладот е всушност скриена жед. Така ќе спречите непотребно и прекумерно прејадување.
Еден час пред спиење испијте чаша вода. Тоа е доволно време да останете хидрирани цела ноќ, а поради тоа нема да морате да одите во тоалет среде ноќ.
Вашиот идеален внес на вода може да биде повеќе или помалку од литар и пол до два литри на ден , во зависност од низа работи како што се нивото на вашата активност и составот на телото. Сосема е во ред да експериментирате со количина додека не сфатите колку вода е најдобра за вас.
