Пчелите се прогласени за најважните суштества на планетата без кои нема живот
Меѓународниот институт Earthwatch ги прогласи пчелите за најважни суштества на планетата Земја на последниот состанок во Кралското географско друштво во Лондон.
Како што истакнаа, 70% од светското земјоделство зависи исклучиво од пчелите , а опрашувањето – можеби дури и најважната функција на пчелите – им овозможува на растенијата да се размножуваат.
Околу 250.000 растителни видови зависат од пчелите за опрашување. Многу од нив се клучни за светското земјоделство. Пчелите го зголемуваат приносот на посевите на јаболка, боровинки и краставици за дури 30%, што може да доведе до недостиг и високи цени на многу видови овошје и зеленчук.
Покрај тоа, многу од нашите лекови, и конвенционални и алтернативни , доаѓаат од растенија кои се опрашуваат од пчели. Исто така, памукот е важен производ што пчелите го опрашуваат, па би можеле да се соочиме со недостиг од евтини маици и фармерки.
Сепак, пчелите не се единствените кои страдаат. Мораме да размислиме и за птиците и малите цицачи кои се хранат со бобинки и семиња кои зависат од опрашувањето на пчелите. Без нив тие би умреле од глад, а истото би се случило и со месојадите кои го сочинуваат синџирот на исхрана.
За жал, на планетата има се помалку пчели.
Во светот има околу 20.000 видови пчели. Главните причини за намалувањето на нивниот број се неконтролираната употреба на пестициди, недостигот на цвеќе и сечењето на шумите. Затоа активистите бараат забрана на пестицидите, употреба на природни алтернативи и внимателно следење на здравјето и опстанокот на пчелите.
Важно е да се напомене дека 70% од светското земјоделство се потпира исклучиво на пчели, бидејќи опрашувањето е нивната клучна функција за репродукција на растенијата. Исчезнувањето на пчелите би довело до постепено исчезнување на фауната на планетата.
Исто така, истражувањето спроведено на неколку универзитети откри дека пчелите се единствените суштества кои не пренесуваат никакви патогени – ниту габи, ниту вируси, ниту бактерии.
Со користење на природни системи за компост, можно е да се вратат хранливите материи во почвата и да се намали загубата на почвата поради ветер и ерозија.
Да се потсетиме и на познатата реченица изговорена од Алберт Ајнштајн: „Ако пчелите исчезнат, луѓето имаат уште четири години живот“.
