Без разлика дали страдате од хронични болки во грбот или само понекогаш чувствувате болка, некои промени во животниот стил ќе ви помогнат да го зајакнете грбот, да спречите повреди и да ги оставите болките во грбот зад себе, пишува Ordinacija.hr
Болката во грбот може да настане поради повеќе причини, како што се биомеханички, дегенеративни промени на ‘рбетот, повреди поради паѓање или невнимателно кревање предмети, но и некои медицински состојби. Еве како можете да му помогнете на грбот:
Променете ја исхраната
Направете позитивни промени во вашата дневна исхрана со елиминирање или консумирање помалку алкохол, млечни производи, кофеин, шеќер и мрсна храна. Зголемете го внесот на цели зрна, овошје и зеленчук и омега-3 масни киселини, бидејќи тоа ќе му помогне на вашето тело да се освежи и регенерира.
Внимавајте на внесот на течности
Соодветниот внес на течности ќе го спречи таложењето што се јавува во задните дискови и се јавува со стареењето и може да предизвика болка. Кофеинот и соковите може да доведат до дехидрација, па затоа е важен правилниот внес на вода.
Пробајте природни лекови против болки
Куркумата е позната по своите антивоспалителни и антиоксидантни својства и ја ублажува болката. А кората од врба е позната како лек против болки и воспаленија, а овие својства се должат на состојката салицин. Бромелаинот, состојка која се наоѓа во ананасот, исто така помага при воспаление и ја ублажува болката.
Чај од ѓумбир
Чајот од ѓумбир е уште еден добро познат лек кога станува збор за болката. Исечете го свежиот ѓумбир, ставете го парчето во топла вода и уживајте во чајот.
