Какво неверојатно влијание врз животот на луѓето со Ковид 19 има приемот на интензивна нега, покажува студијата и фактот дека овие луѓе и една година по инфекцијата имаат пост-ковид симптоми
Пост-ковид симптоми може да бидат присутни кај пациенти со Ковид 19 кои завршиле на интензивна нега и една година по инфекцијата, според анализата на 246 пациенти во Холандија, објавена во списанието JAMA . Пациентите во просек имале 61 година, а истражувањето покажало дека речиси три четвртини од нив – 74,3 проценти, сè уште имаат симптоми на пост-ковид една година подоцна. Затоа, новото истражување сугерира дека треба да се посвети поголемо внимание на долгорочните ефекти на коронавирусот, или пост-ковид симптомите, за оние пациенти на кои им е потребно сместување во единиците за интензивна нега.
Симптомите по Ковид ќе бидат поголем проблем од пандемија
Според претходните истражувања, постојат повеќе од 200 симптоми поврзани со оваа пост-ковидова состојба , а тоа ја покажува важноста од долгорочно следење на ефектите од ковид 19. – Оваа студија го покажува неверојатното влијание – вели истражувачката Марике Зегерс, од Медицинскиот центар на Универзитетот Радбауд во Холандија.
Од физички до ментални нарушувања
Повеќето луѓе пријавиле физички проблеми, а 38,9 отсто рекле дека се уште се чувствуваат послаби, една година по Ковид 19. Проблеми со менталното здравје пријавиле 26,2 отсто од учесниците, додека 16,2 споменале проблеми со меморијата и вниманието. Физичките проблеми спомнати од учесниците во студијата вклучуваат болка, мускулна слабост и отежнато дишење. Што се однесува до менталните проблеми, чувствата на анксиозност или посттрауматско стресно растројство биле пријавени од приближно еден од пет пациенти. Не се знае многу за долгорочните ефекти од сериозната клиничка слика на Ковид 19, бидејќи научниците велат дека сме „само“ две години во пандемија – но се чини јасно дека за многу луѓе има постојани проблеми што се совпаѓаат со истите тип на краткорочни симптоми.Симптомите по интензивна нега можат да се поделат на физички, ментални и когнитивни домени и се поврзани со зголемена смртност од една година, повисоки трошоци за здравствена заштита и понизок квалитет на живот, нагласуваат холандските истражувачи.
Пост-ковид-симптомите ја влошуваат општата состојба на пациентот
Научниците имаат зголемен број информации што треба да ги користат кога станува збор за разбирање на болеста „Ковид 19“, вклучувајќи ги и одговорите на пациентите на синдромот на акутен респираторен дистрес (ARDS), кој ги погодува луѓето во тешки случаи, слично како ковид 19. Долготрајната болест има негативни ефекти не само за примарните пациенти, но и за пријателите и семејството, кои би можеле да се грижат за оние кои се уште се болни, но и за работодавците. Студијата покажа дека 57,8 отсто од испитаниците кои имале работа пред да добијат ковид 19 сè уште биле болни или работеле со скратено работно време, една година подоцна.
Иако студијата има некои ограничувања – таа се потпира на волонтери кои ја пријавуваат сопствената состојба и симптоми, наместо каква било клиничка дијагноза – таа ја нагласува загриженоста за тоа како луѓето може да продолжат да страдаат од ковид 19, долго откако престојот во болница заврши. Увидот во долгорочните исходи на пациентите со Ковид 19, кои биле на интензивна нега, е важен за обезбедување на соодветна грижа и нега, приспособена на клиничките потреби на овие пациенти, според едно холандско истражување.
