Посни сарми со ореви кои ќе ве воодушеват! Повкусни од оние со месо – стар рецепт со кој нема грешка
Сите сме навикнати на сарма со мелено месо и ориз, но овој фил е исто толку вкусен. Рецептот за посна сарма со ореви ќе ве воодушеви.
За време на постот, едно од старите, традиционални јадења што го приготвуваат нашите баби е посната сарма . Во старо време немале соја да го замени месото, но наместо оваа храна вешто го користеле тоа што го имале. Нивната тајна состојка се оревите .
Многумина тврдат дека посната сарма во која се додаваат оревите, ако е добро направена и полека се крчка, може да биде повкусна и поубава од онаа со месо , на која ретко кој може да и одолее.
Состојки:
поголема главица кисела зелка
3 глави кромид
половината праз
200 гр ориз
2 моркови
мелен црвен пипер
бибер, сол
чаша мелени ореви
ловоров лист
1 лажица брашно
2 дл масло
Подготовка:
Одделете ги листовите од главата на зелката и исчистете ја вената во центарот на секој лист. Ако зелката е многу кисела или солена, измијте ја во ладна вода. Кромидот и празот исчистете ги и ситно исечкајте ги. Морковот исчистете го, изрендајте го и пропржете го заедно со кромидот на половина од потребното количество масло. Посолете, додадете го измиениот ориз, оревите и пропржете кратко време. Зачинете со половина лажичка мелен црвен пипер и бибер, а потоа измешајте и тргнете го од оган.
Кога филот ќе се излади, додадете ги мелените ореви и измешајте. На секој лист зелка се става по една лажица фил и се виткаат сармите.
На дното на тавче со подебело дно прелијте малку масло, ставете ситно сечкана зелка, па одозгора наредете ја сармата. Помеѓу сармињата ставете три ловорови листови. Сармите прелијте ги со топла вода, да се натопат и варете покриени на тивок оган додека зелката не омекне. Доколку е потребно, за време на готвењето додадете малку топла вода.
Остатокот од маслото загрејте го во тава, додадете го брашното, пропржете го малку да порумени, па додадете ја мелената црвена пиперка. Прелијте го сосот врз сармата и варете уште десетина минути на тивок оган. Загрејте ја рерната на 200 степени, потоа ставете ја сармата и печете ја уште 30 минути.
