Посна торта РЕФОРМ: Најдобриот рецепт за познатиот десерт кој го обожаваат сите генерации
Реформ е омилена торта во Македонија, а денес ви го пренесуваме најдобриот рецепт за посна варијанта
Празнична трпеза е незамислива без реформ, полни со мелени и сечкани ореви и чоколаден фил.
Повеќето домаќинки имаат рецепт за мрсната верзија на овој надалеку познат деликатес , ви пренесуваме проверено посна верзија.
Состојки:
За корите:
200 гр брашно
150 гр мелени ореви
150 гр сечкани ореви
150 гр мед
150 мл вода
100 гр шеќер
кесичка прашок за пециво
За полнење:
300 гр мелени ореви
250 гр шеќер
80 мл вода
кесичка ванилин-шеќер
150 гр посно чоколадо за готвење
250 гр посен маргарин
За глазурата:
150 гр посно чоколадо
4 лажици масло
Подготовка:
Измешајте мед, вода и шеќер за да добиете компактна течност.
Во друг сад измешајте 200 грама брашно со кесичка прашок за пециво, па додајте мелени и сечкани ореви. Течните и сувите состојки соединете ги со помош на блендер, па смесата за кората истурете ја во широка тава која претходно сте ја премачкале со масло и ја посипавте со брашно.
Печете ја кората на 180 степени дваесет минути. Кога кората ќе се олади, пресечете ја по должина на три дела.
Истурете вода во тенџере, додадете шеќер и ванилин-шеќер и варете додека не почне да тече. Тргнете ја тавата од оган, додадете ги мелените ореви и посното чоколадо искршено на парчиња и енергично мешајте со процесор за храна додека да се растопи чоколадото. Филот се остава да се излади, а потоа се додава изматениот маргарин.
Покријте ги корите со филот и оставете го колачот да одмори 24 часа. По 24 часа направете ја глазурата така што на тивок оган ќе растопите 150 грама нискомаслено чоколадо со четири лажици масло. Додека е уште топла глазурата прелијте ја врз колачот и оставете ја да се стегне.
По желба украсете ја тортата со сечкани и мелени ореви.
