Наш предлог за појадок или вечера е пирошки со сирење.
Состојки:
400 гр брашно,
200 мл јогурт,
1 кесичка прашок за пециво,
1 јајце,
200 гр тврдо сирење,
сол
масло за пржење.
полнење по вкус
Подготовка:
Во длабок сад истурете брашно, прашок за пециво, малку сол и сè убаво измешајте.
Во вака подготвеното брашно додадете едно јајце и прелијте со јогурт. Потоа издробете го или изрендајте го сирењето. Тестото убаво замесете го со раце за убаво да се соединат сите состојки.
Ако тестото ви е премногу меко, слободно додадете уште 1-2 лажици брашно. Тестото ставете го на набрашнета површина и со сукало расукајте ја кората дебела околу еден сантиметар, а потоа со чаша исечете кругови. На средината ставете полнење по ваша желба и затворете ги пирошките со вилушка на рабовите во форма на полумесецинки.
Во меѓувреме ставете ја тавата на шпорет и загрејте го маслото на повисока температура. Количината на масло треба да биде доволна за да ги покрие пирошките до половина. Внимателно испуштете еден пирошки во загреаното масло и пржете убаво да поруменат од двете страни.
