Овие 8 симптоми се јасен показател дека имате недостаток на железо
Заморот и главоболката, колку и да изгледаат банални, можат да бидат знаци за недостаток на железо во организмот.
Железото е многу важен минерал, чиј недостаток влијае на нашето здравје.
Многу луѓе чувствуваат различни симптоми, не знаејќи дека токму тие се показател дека вашето тело се бори со недостатокот на овој минерал.
Нутриционистката Наташа подетално го објасни ова :
- Недостатокот на железо во организмот може да предизвика различни симптоми. Железото е клучна компонента на хемоглобинот, протеинот кој носи кислород низ крвта. Недостатокот на железо може да доведе до намалување на производството на хемоглобин, што може да предизвика анемија – вели нутриционистот и открива неколку вообичаени симптоми на недостаток на железо:
Замор и слабост
Недостатокот на железо може да предизвика замор и општа слабост.
Бледа кожа
Намалувањето на производството на хемоглобин може да влијае на бојата на кожата, предизвикувајќи бледило.
Главоболки и вртоглавица
Недостатокот на кислород во мозокот може да доведе до главоболки и вртоглавица.
Краток здив
Луѓето со недостаток на железо може да имаат отежнато дишење додека телото се обидува да го компензира недостатокот на кислород.
Ладни раце и нозе
Недостатокот на железо може да предизвика намалување на циркулацијата, што може да резултира со ладни екстремитети.
Кршливи нокти и губење на косата
Недостатокот на железо може да влијае на здравјето на ноктите и косата, правејќи ги кршливи и посклони кон опаѓање.
Јазикот се менува
Може да се појави промена на бојата на јазикот, како што е појавата на светли дамки.
Чести инфекции
Слабениот имунолошки систем може да ја зголеми подложноста на инфекции
