Сериозен здравствен проблем: Овие шест промени на лицето укажуваат на замастен црн дроб
Иако е потешко да се забележат симптомите на замастен црн дроб, одредени промени на лицето може да укажуваат на овој сериозен здравствен проблем. Имено, промените на лицето како надуеност, промена на бојата на кожата и чешање се само некои од знаците дека имате замастен црн дроб.
Таканаречената масна болест на црниот дроб е една од најчестите хронични заболувања, а нејзините симптоми се главно суптилни. Заболувањето на замастен црн дроб може да предизвика воспаление и во некои случаи оштетување на здравите клетки.
Црниот дроб игра многу важна улога во вашето тело бидејќи извршува повеќе од 5.000 функции. Некои од најважните секако се разградувањето на штетните материи, регулирањето на шеќерот во крвта, спречувањето на прекумерно крварење и други. Затоа, важно е да се обрне внимание и на најмалите промени на лицето.
Оток
Напредната болест на црниот дроб може да влијае на способноста на црниот дроб да создава протеини, што може да влијае на протокот на крв и да ги намали телесните течности. Како резултат на тоа, може да забележите дека вашето лице изгледа подуено.
Темни дамки на кожата на вратот
Заболувањето на замастен црн дроб може да придонесе за зголемена отпорност на инсулин, па акумулацијата на инсулин во вашето тело ќе предизвика состојба на темни дамки, кои најчесто се појавуваат на вратот, но може да се забележат и под пазувите.
Розацеа
Розацеа е кожна состојба која предизвикува сериозно црвенило на вашето лице. Покрај тоа, може да почувствувате мали црвени крвни садови или бели испакнатини на лицето кога ја имате оваа состојба на кожата. Сепак, оваа болест може да биде последица на други болести.
Осип околу устата
Замастен црн дроб може да предизвика вашето тело да не апсорбира доволно хранливи материи, најчесто минерали како што е цинкот. Недостатокот на цинк може да предизвика дерматитис, кој прво се манифестира како иритација на кожата околу устата.
Чешање
Замастен црн дроб може да доведе до чешање на кожата, вклучувајќи го и лицето. Чешањето најчесто е предизвикано од вишокот жолчни соли во вашето тело. Гребењето обично не носи олеснување и може да ја влоши иритацијата.
Жолтица
Ако заболувањето на масниот црн дроб е напреднато, може да доведе до жолтица, што предизвикува вашата кожа и белките на очите да имаат жолта боја. Симптомите на жолтица обично се појавуваат во очите и лицето пред да се прошират на остатокот од телото. Тоа е состојба кога има вишок на билирубин, пигмент кој е нуспроизвод од разградувањето на црвените крвни зрнца
