За здрав живот секојдневно јадете по една коцка темно чоколадо.
Темното чоколадо станува се попопуларно и со тоа станува вистинско уживање за организмот. Има бројни здравствени придобивки од темното чоколадо, особено оние со висока содржина на какао.
Тајната е во тоа што таквото чоколадо содржи флавоноиди кои се антиоксиданси, што позитивно влијае на здравјето на целиот организам. Покрај тоа, го штити срцето, го намалува ризикот од срцеви заболувања, го регулира крвниот притисок, го намалува стресот и ја подобрува концентрацијата и меморијата.
Нутриционистката Џена Хоуп истакнува дека темното чоколадо содржи повеќе какао, а какаото е носител на многу придобивки. Колку е поголема содржината на какао, толку е помала содржината на шеќер.
Темното чоколадо обично се движи од 70-100%. Колку е поголем процентот, толку е помал шеќерот и поголема содржина на какао.
Исто така, темното чоколадо е поврзано со подобрување на васкуларната функција, намалување на крвниот притисок и здравјето на срцето.
Покрај тоа, помага при спиење и е богат со магнезиум, кој игра клучна улога во опуштањето на нервите и мускулите и производството на енергија.
Доколку се водите од принципите на здрав живот кој го исполнува вашето тело и ум, задолжително внесете помеѓу 20-30 г чоколадо во вашата дневна рутина – тоа е доволно бидејќи темното чоколадо е погорчливо од млечното и треба да внимавате со количината.
