Глогот е толку лековито растение што околу него е создадена легенда за тоа како од ова растение е направена Христовата трнова круна.
Глогот со векови се користи за лекување на луѓе и животни, а колку е моќен покажува и фактот што е вклучен во магичните ритуали. Имено, постои верување дека Христовата круна т.е. круната од трње била направена од глог.
Како и да е, вистината е дека овошјето содржи голем број здравствени придобивки и со право го носи епитетот „ најлековито растение на светот “.
Глогот е „спас“ за срцето
Во книгите за хомеопатија стои дека глогот е вреден како лек за срцето и дека неговата тинктура е исклучително добра за спречување на срцев удар.
Ова растение е широко користено за одржување на здравјето на крвниот систем, во случај на висок крвен притисок, слабеење на срцевиот мускул и срцева аритмија. Се препорачува по срцев удар, бидејќи го зголемува протокот на крв во коронарните крвни садови.
Ја промовира активноста и подобрата исхрана на клетките на срцевиот мускул. Во принцип, секој над 50-годишна возраст треба повремено да зема тинктура од глог.
Покрај проблемите со срцето, глогот помага и кај други здравствени проблеми како што се:
- Замор, недостаток на енергија, лош сон, отежнато дишење, вртоглавица, палпитации, нервоза, тинитус.
- Глогот е растението кое има најсилно смирувачко дејство
- Помага во менопауза
- Помага при слабеење, бидејќи го исфрла вишокот вода од телото.
- Го зајакнува сврзното ткиво во зглобовите
- Ги смирува дигестивните проблеми
Плодовите од глог се берат наесен кога се светло црвени. Плодовите потоа се сушат, но можете и да ги сомелете, па да ги исушите и да ги користите за чај.
Како се подготвува чајот од глог?
Една кафена лажичка сечкано овошје од глог прелијте ја со 150 мл врела вода, поклопете го тенџерето и оставете да отстои 15-30 минути. Процедете и пијте три пати на ден.
Овој чај треба да го пијат луѓе кои чувствуваат притисок и гушење во пределот на срцето, за превенција од висок крвен притисок, како и за полесни облици на ослабено срце по заразни болести.
Деца под 12-годишна возраст, бремени жени и доилки никогаш не треба да пијат чај.
