Повеќето од нас вака подготвените тестенини ги знаеме како салата. Можете да додадете различни состојки и да комбинирате вкусови но основните состојки за овие тестенини се секогаш исти. Денес ви носиме еден поинаков рецепт со повеќе зеленчук…
Состојки:
- 250 гр. мала макарони
- 2 тврдо варени јајца
- 200 гр. шунка
- 3 кисели краставички
- половина мала главица кромид
- 2 чешниња лук
- 1 мала зелена пиперка
- 1 мала црвена пиперка
- кесичка мајонез
- 2 големи лажици павлака
- зачини по желба
Подготовка:
Сварете ги тестенините според упатството на пакувањето, измијте ги и оставете да се изладат. Сите состојки исечкајте ги што е можно поситно, со вилушка издробете ги јајцата и сè додајте во изладените тестенини. Добро измешајте и ставете во фрижидер.
