Научниците со години се обидуваат да откријат зошто одредени луѓе полесно ја одржуваат телесната тежина, а новите наоди покажуваат дека тајната можеби се крие во плунката.
Истражувачите пронајдоа ген кој овозможува побрзо разградување на јаглехидратите, што е познато дека предизвикува луѓето да добиваат поголема тежина. Генот го нарекле „Аткинс“, по авторот на познатата диета, а неговото официјално име е AMY1.
Генот создава ензим кој се наоѓа во плунката кој го започнува разградувањето и варењето на храната богата со скроб, како што се чипсот или оризот. Истражувањето покажало дека оние луѓе кои имале повеќе копии од генот, а со тоа и повеќе од споменатиот ензим, биле послаби.
Иако е нормално гените да бидат во парови, некои луѓе имаат само една копија од генот, а други имаат две, три или дури и повеќе. Во случај на генот AMY1, можно е да има до 20 копии.
Nature Genetics известува дека луѓето со помалку од овие гени ќе имаат потешко време да ги разградат јаглехидратите и затоа ќе бидат повеќе склони кон дебелина. Иако не е сосема јасно како функционира ова, една од можностите е дека несварениот скроб се храни со цревни бактерии, што им отежнува на луѓето да ослабат.
