Едноставен десерт на кој тешко може да се одолее: Посно медено срце е идеално со кафе или чај
Едноставно чоколадно уживање
Посно медено срце е вкусен десерт, чиј бисквит е мек и сочен. Лесно се подготвува и е одличен десерт со топол пијалок.
Иако претежно се препорачува мармалад од кајсии, можете да користите и други како мармалад од јагоди или шумско овошје.
Состојките што ќе ви бидат потребни се:
350 грама брашно
150 грама шеќер
150 милилитри масло
350 милилитри минерална вода
шест лажици какао
една лажица цимет
една кесичка прашок за пециво
шест лажици мармалад
200 грама темно чоколадо + две лажици масло
Подготовка:
Измешајте ги брашното, прашокот за пециво, шеќерот, какаото, циметот и додадете минерална вода и масло. Добро изматете, па додадете две лажици мармалад и повторно изматете. Истурете во помал калап со димензии приближно 20х30. Печете го бисквитот 20 минути на 200 степени.
Кога колачот е готов, премачкајте го со четири лажици мармалад. Оставете го колачот да се излади и за тоа време растопете 200 грама темно чоколадо со две лажици масло. Покријте ја тортата и оставете ја глазурата да се излади малку.
