Еве зошто е важно да ги замените старите пломби
Покрај живата, која сочинува половина од смесата, амалгамските пломби вклучуваат бакар, калај, сребро и цинк. Долго време се сметаше дека живата во комбинација со овие материјали е безопасна
Дали сè уште имате стари пломби во забите? Тоа се темните кои се наоѓаат главно во задните заби. Иако добро служат, амалгамските пломби кои имаат жива во својот состав секојдневно малку по малку го оштетуваат вашето здравје и имунитет.
Предности и недостатоци
Ако имате вакво полнење на забот, живата може да се ослободи додека џвакате гума за џвакање, пиете кафе или ги четкате забите . И речиси и да нема човек кој нема или имал ваков тип на полнење. Многу работи ја фаворизираа масовната употреба на амалгамски пломби, особено цената.
Во минатото златните пломби се користеле во стоматологијата, но поради нивната висока цена и недостапноста за поголемиот дел од населението, со текот на времето биле заменети со амалгамски пломби, кои содржат жива.
Меѓутоа, покрај живата, која сочинува половина од смесата, амалгамските пломби вклучуваат бакар, калај, сребро и цинк, а долго време се веруваше дека во комбинација со овие материјали живата останува безопасна .
Предноста на амалгамските пломби во споредба со белите пломби е нивната издржливост, дури 10 до 15 години , што е двојно подолго во споредба со белите пломби, а механички се поотпорни. Ако се земе предвид и дека се поевтини, јасно е зошто одамна се избор на многу стоматолози и пациенти. Најчесто се поставуваат на задните заби бидејќи се естетски неатрактивни поради нивната темна боја.
Но, нивната долгорочна масовна употреба поттикна некои истражувања за тоа колку се штетни за здравјето. Истражувањето на Универзитетот во канадскиот град Калгари покажа дека живата континуирано се испушта од забните амалгами и дека 80 отсто од овие испарувања веднаш се апсорбираат преку белите дробови и во крвотокот. Откако ќе влезе во крвта, живата влегува во клетките речиси веднаш.
Закана по здравјето
Според американскиот неврохирург д-р Расел Блејлок, живата може да му наштети на целиот организам, но најнегативните ефекти од хроничната изложеност ги трпат нервниот и кардиоваскуларниот систем и имунитетот. Тој, исто така, наведува дека има зголемени докази дека токсичноста на живата игра витална улога во значителен број случаи на Алцхајмерова болест , заедно со други невродегенеративни болести.
Поради ова и слични истражувања, се препорачува замена на овие пломби со бели, композитни пломби, што особено се однесува на трудниците поради можното лошо влијание врз плодот и малите деца.
-Оние пломби кои се користат со децении постепено се исфрлаат и се заменуваат со композити. Амалгамските пломби траат подолго, поиздржливи се, а белите пломби се поздрави, но и краткотрајни. Во прилог на белите пломби, секако оди и естетиката – вели проф. д-р Дејан Марковиќ од Стоматолошкиот факултет во Белград.
Комбинацијата на материјали е најдоброто решение
Како едно од решенијата за квалитетно полнење и зачувување на здравјето, проф. Д-р Марковиќ споменува комбинација на материјали за пломби за заби .
- Глас-јономерите се пломби кои имаат некои добри својства на амалгамот и овие бели композитни пломби во однос на издржливоста. Глас јономер цементот е како основа, а композитот како завршен слој е добитна комбинација – објаснува стоматологот.
Како и секогаш, има уште еден, никако занемарлив проблем – луѓето не одат често на стоматолог, што се должи на се уште неусвоените навики за одржување на денталната хигиена и редовните посети на стоматолог, како и поради финансиски причини.
- Има многу луѓе кои дваесет години не посетуваат стоматолог, па многу од нив сè уште ги имаат тие пломби, а луѓето тешко се откажуваат од работите што „сè уште ги прават“ – вели проф. д-р Марковиќ.
