Резултатите може да помогнат да се осмислат нови терапевтски стратегии за ублажување на дисфункција на вкусот кај дебели лица.
Повеќето истражувања тврдат дека дебелината иницира воспалителни процеси и доведува до кардиометаболни нарушувања
Дебелината може да го ослаби сетилото за вкус, според студијата објавена во списанието PLOS Biology. Иако студијата беше спроведена на глувци, ова откритие го појаснува досега слабо разбраниот феномен на слабеење на рецепторите за вкус, забележан кај дебелите индивидуи.
Секоја папула содржи стотици различни рецептори
Покрај сетилата за вид, слух, мирис, допир и вкус, тоа е едно од петте човечки сетила. Вкусот е хемиска реакција на храна или друг предмет во устата. На површината на јазикот има илјадници мали испакнатини – папули, кои се видливи за око, секоја папула содржи стотици различни рецептори. Експертите веќе знаеја зошто дебелите луѓе го губат чувството за вкус, но имаше неколку индиции кои би можеле да укажат на тоа како се губи нивното чувство за вкус на молекуларно ниво .
Диетата богата со масти го слабее сетилото за вкус
Научниците од Универзитетот Корнел во Итака, Њујорк, почнаа да ја истражуваат врската помеѓу чувството за вкус и дебелината. Д-р Ендрју Кауфман и неговиот тим два месеци хранеле глувци, вообичаена храна со само 14 проценти маснотии или им давале храна со висока содржина на масти од 58 проценти. Заклучено е дека исхраната богата со масти, по два месеци го ослабнала сетилото за вкус кај глувците за 25 отсто.
Истражувачите откриле дека дебелите глувци имале повисоки нивоа на проинфламаторната клетка ТНФ-алфа. Научниците инјектирале ТНФ-алфа клетки во јазиците на глувците со нормална тежина. Забележано е дека по оваа интервенција и овие глувци имале послабо сетило за вкус.
Дебелината иницира воспалителни процеси
Повеќето истражувања тврдат дека дебелината иницира воспалителни процеси и доведува до кардиометаболни нарушувања. Новото истражување исто така покажува дека дебелината е причина за хронично воспаление со низок степен. Овие воспаленија ја нарушуваат рамнотежата помеѓу клетките кои изумираат и клетките кои се регенерираат, што на крајот доведува до нарушување на сетилото за вкус.
Забележано е дека кај дебелите глувци, клетките кои го регулираат сетилото за вкус се повеќе изумреле.
-Овој податок значи дека долготрајната исхрана е богата со масти, во врска со воспаление кое предизвикува побрза смрт и побавно обновување на клетките кои го регулираат сетилото за вкус. Резултатите може да помогнат да се осмислат нови терапевтски стратегии за ублажување на дисфункција на вкусот кај дебелите поединци , вели Робин Дандо, еден од водачите на тимот истражувачи од Њујорк.
Дебелината може да доведе до промени во мозокот
Досегашните студии покажаа дека дебелината може да доведе до промени во мозокот и нервите кои го контролираат периферниот систем на вкус. Експертите велат дека вкусот игра важна улога кога станува збор за изборот и количината на храна.
Не е јасно како неможноста да се осети сладок вкус може да влијае на дебелината. Претходните истражувања покажаа дека дебелите луѓе можеби нема да вкусат слатка храна на ист начин како и луѓето со нормална тежина.
