Кај децата (до 12 години) родителите се повеќе вклучени во организацијата на слободното време.
Активностите што може да се организираат се многубројни, а мотивацијата на децата да се дружат со родителите се уште е голема . При организирање на слободното време, родителите не треба да нудат готови решенија, туку треба да изнесуваат различни предлози и да ги поттикнуваат децата да го поминуваат слободното време на структуриран начин .
Притоа, потребно е да се земат предвид афинитетите и интересите на децата, како и нивните психофизички способности. Сите активности кои се изведуваат во слободно време треба да бидат забавни, интересни и малку едукативни.
ЗАЕДНИЧКИ РУЧЕЦИ
Важно е да бидат што почести и да се одвиваат во позитивна атмосфера. Кога подготвуваат оброк, на децата може да им се дадат задачи во зависност од нивната возраст , како што е поставување на трпезата. На овој начин се развива чувството на припадност и одговорност, а се влијае и на развојот на самодовербата.
ЗАЕДНИЧКИ ЕКСКУРЗИИ
Покрај забавата и дружењето на патувањето, децата можат да учествуваат и во планирањето. На пример, може да се понудат неколку дестинации , а децата треба да изберат една. Тие, исто така, можат да бидат охрабрени сами да предложат дестинација.
СПОРТУВАЊЕ ЗАЕДНО
Вклучете ги сите членови на семејството во овој вид активност, но не инсистирајте на резултати и строги правила . Ова е исто така можност да се поттикне натпреварувачкиот дух за да може семејството да се подели во тимови.
РАЗГОВОРИ НА ВАЖНИ ТЕМИ
Разговарајте со децата на начин соодветен на нивната возраст и на теми што се релевантни за нив. Внимавајте да покажете интерес за темите што ги отвораат децата , иако понекогаш изгледаат неважни. Разговорите може да се одвиваат и за време на заедничка прошетка.
