Ако страдате од болки во цервикалниот ‘рбет, не сте единствените. Тие се едни од водечките причини за инвалидитет во сите земји во светот, а во последните 25 години е забележан нивен значаен пораст кај сите возрасни групи.
И додека повеќето епизоди на цервикална болка обично се подобруваат во рок од неколку месеци, половина до три четвртини од луѓето кои страдаат од нив ќе доживеат повеќе повторливи епизоди во иднина.
Често се вели дека има „добри и лоши положби“ на телото и дека одредени положби ја влошуваат болката во цервикалниот ‘рбет, но таквото верување не е поткрепено со научни докази, вели Кристијан Ворсфолд, визитинг предавач по физиотерапија на Универзитетот во Хертфордшир.
Истражувањата покажуваат дека појавата на болки во цервикалниот ‘рбет е почесто резултат на лош сон, недоволна физичка активност и изложеност на зголемен стрес.
Така, и покрај напорите на експертите да влијаат да се држите правилно и исправено со помош на разни столици, маси, тастатури и други уреди, таканаречените „животни фактори“ (доволно сон, редовно вежбање и помал стрес ) се поефикасни во ублажување и спречување на болки во вратот.
Митот за добри манири
Неодамнешното истражување на повеќе од 1.000 тинејџери не покажа статистички значајна поврзаност помеѓу правилното држење на телото и болката во цервикалниот ‘рбет, и покрај постоењето на некои подгрупи, како што се оние што седеа подгрбавени или оние што седеа исправено.
Имено, луѓето седат во положби кои се разликуваат од личност до личност, но се чини дека тоа нема никаква врска со болките во цервикалниот ‘рбет. Студијата покажа дека „позата“ на адолесцентите има повеќе врска со нивното расположение.
Истражувањата сугерираат дека дури и менувањето на начинот на кој седите додека работите, таканаречените „ергономски интервенции“ имаат мал ефект врз тоа дали некој ќе доживее болка во вратот.
Во неколку различни студии, експертите следеа групи на луѓе кои не чувствуваат болка во вратот и групи кои ја чувствуваат само повремено. Некои учесници во студијата развиле болки во вратот што истражувачите внимателно ги проучувале.
Откриле дека луѓето кои се жалат на болки во цервикалниот ‘рбет работат на тешки и напорни работи и спијат малку и лошо. Тие исто така биле помалку физички активни и повеќе биле склони кон депресија и лошо расположение. Нивното тело било под поголем стрес, поради што чувствувале постојана напнатост во мускулите на вратот.
Истражувачите откриле дека дури и кај деветгодишните симптоми како што се замор и тешкотии со спиењето, придружени со главоболки, болки во стомакот и лошо расположение, се фактори на ризик за болка во цервикалниот ‘рбет. Децата биле следени во период од четири години, пишува ScienceAlert.
Квалитетен сон, вежбање и релаксација
Силните мускули на вратот, секојдневното, дури и краткото вежбање, дури и секојдневното одење, докажано штитат од болки во вратот.
Сето горенаведено, заедно со квалитетниот сон, физичката активност и помалата изложеност на стрес, би можеле да ги одвратат вашите проблеми и да ја спречат болката во вратот.
Седнете на масата онака како што најмногу ви одговара, не останувајте долго во иста положба, сменете ја, бидејќи ова е една од клучните работи за да избегнете грчеви во вратот.
Ако сè уште чувствувате болка, обидете се да си легнете порано, обидете се да се опуштите, на пример, прошетајте по ручекот.
И последно, но не и најмалку важно, престанете да се оптоварувате со начинот на кој седите или одите бидејќи науката се чини дека нема цврсти докази за феноменот наречен „лошо држење“, вели Кристијан Ворсфолд.
