Анксиозноста и депресијата се вообичаени теми на нашиот портал, а, за жал, се почести и во секојдневниот живот. Сепак, дали некогаш сте се запрашале дали овие две работи можат да влијаат на губењето на меморијата и концентрацијата во секојдневниот живот?
Токму тоа праша стенд-ап комичарката и писателка Аби Говиндан на Твитер и поттикна дискусија за ова прашање.
Има многу истражувања за врската помеѓу депресијата и анксиозноста и оштетувањето на меморијата, па всушност е фасцинантно да се види како менталното здравје влијае на „меморијата“ на мозокот. Др. Криста Џордан, клинички психолог и терапевт во Choosing Therapy зборува за причините зошто тоа се случува.
Една од причините е влијанието на кортизолот – хормон на стрес кој постои кај луѓето со анксиозност и депресија и води до задржување на меморијата. Џордан го објаснува ова така што благите до умерени нивоа на стрес може да ја подобрат меморијата и другите когнитивни функции преку обезбедување мотивација.
Сепак, високите нивоа на стрес ослободуваат хемикалии во мозокот кои го нарушуваат формирањето на меморијата, односно го спречува правилното функционирање на меморискиот центар на мозокот, хипокампусот.
Причини за губење на меморијата со анксиозност и депресија
Постојат многу причини како анксиозноста може да влијае на меморијата. На пример, луѓето кои се вознемирени тешко се сеќаваат на настаните затоа што им го одзема вниманието од црни мисли кои им поминуваат низ главите.
Студиите за снимање на мозокот покажаа дека пациентите со депресија не можат нормално да функционираат во областите што ги поврзуваме со внимание, планирање, концентрација, решавање проблеми и мотивација.
Важно е да се напомене дека проблемите со меморијата, колку што можат да бидат последица на депресија, исто така можат да бидат знак за тоа. Така, тешкотијата во концентрирањето и запомнувањето на која било информација може да биде знак за проблем затоа што едно лице заборава важни факти за кратко време (или долгорочно) поради состојбата во која се наоѓа.
Стресот е главниот предизвикувач кој го попречува нормалното функционирање на мозокот и најголемата причина зошто има потешкотии со меморијата и концентрацијата.
Пред да сфатите дека треба да третирате некој од овие проблеми, обидете се да се погрижите да дојдете до тоа на време и да го спречите. Овие ситници никогаш не се доволни за да се нагласат, а се работи за вежбање, здрава исхрана, позитивни мисли и терапија за внимателност.
Всушност, се работи за сите работи кои ве прават среќни и токму таквите работи треба да се практикуваат што почесто.
Многу е важно навреме да се третираат анксиозноста и депресивните растројства за да не се доведат до несакани негативни здравствени исходи, затоа задолжително побарајте лекарски совет доколку се борите со една од овие состојби, а особено ако видите дека не можете да се изборите со ова.
