Вратете му го сјајот – Ви донесуваме ТРИКОВИ како да ЧИСТЕТЕ СРЕБРО
Ако вашите сребрени предмети биле нападнати од темни дамки, тогаш пробајте ги овие трикови.
Сребрениот накит и сребрените предмети со текот на времето го губат сјајот, па дури и поцрнуваат.
Ваквите дамки се резултат на хемиска реакција помеѓу среброто и сулфурот во воздухот. Повеќето сребрен накит и додатоци се обложени со многу тенок слој на родиум за да се заштити металот и да се направи посветол и посјаен. Меѓутоа, кога тоа ќе се случи, тој исто така се истроши и многу брзо поцрнува.
Исто така, оцрнување на среброто може да дојде доколку е во директен контакт со парфеми, препарати за коса, креми и слично.
Така, овие три домашни трикови се тука за да си го вратите омилениот накит.
- Алуминиумска фолија и детергент за перење
Овој трик за чистење е погоден за малку извалкан сребрен накит .
Земете сад и обложете го со алуминиумска фолија. Потоа, наполнете со топла вода и додадете една лажица течен детергент за перење. Добро измешајте и ставете го среброто внатре. Оставете го да кисне некое време.
Извадете ги сребрените садови, исплакнете со млака вода и ставете ги на хартиена крпа да се исуши.
- Кечап
Можеби звучи чудно, но кечапот функционира одлично ако сакате да го отстраните оцрнувањето од среброто.
Овој метод е добар ако имате само еден или два сребрени предмети за чистење. Исцедете неколку капки кечап на хартиена крпа и нежно тријте ги темните дамки на сребрениот прибор. Ако дамката е стара, нанесете кечап директно на овие места и оставете ја да отстои 15 минути. После тоа, тријте со крпа од микрофибер и исплакнете со вода.
Некои предмети како фенси свеќници или сребрени садови имаат повеќе детали. Користете мека четка за заби за да стигнете помеѓу пукнатините и чистите дамки.
- Пченкарно брашно и вода
Ако вашето сребро го изгубило својот сјај, овој метод ќе помогне да го вратите.
Подгответе густа смеса, мешајќи вода и пченкарно брашно и нанесете ја на сребрениот предмет. Оставете ја смесата целосно да се исуши и истријте ја со крпа за да ја полирате површината и да го вратите сјајот на вашиот накит, пренесува „Thehappyhousecleaning.co.uk“.
