Брз ручек: Рецепт за вкусна манџа од зеленчук која нема ни да го забележите дека е без месо
Доколку сакате да направите вкусен ручек за половина час, пробајте го рецептот за оваа манџа од зеленчук од кељ, компири и грав.
Користете сварен грав и сечкани домати од конзерва и на тој начин скратете го времето на подготовка. Постигнете ја вкусноста на јадењето со употреба на вкусна супа од зеленчук и медитерански зачини.
Состојки:
1 литар супа од зеленчук
800 мл конзервирани домати
500 гр сецкан кељ
240 гр варен грав
2 компири
2 моркови
2 стебленца целер
2-3 чешниња лук
1 мал кромид
1 лажичка лук во прав
1 лажичка суво оригано
1 лажичка сува мајчина душица
1 лажичка сув босилек
½ лажичка шеќер
сол и бибер по желба
магдонос за сервирање
масло за пржење
Подготовка:
Во поголемо тенџере загрејте малку масло и во него издинстајте ги сечканиот кромид, морковот и целерот. Пропржете го зеленчукот околу осум до 10 минути додека не омекне.
Додадете го лукот исечкан на помали парчиња и пржете сè заедно околу една минута.
Прелијте го зеленчукот со супа од зеленчук и домати.
Додадете излупени компири исечени на помали коцки, кељ исечен на ленти и варен грав.
Зачинете сè заедно со сол, бибер, лук во прав, босилек, мајчина душица и оригано. Додадете малку шеќер.
Покријте го тенџерето и гответе сè заедно на умерена температура околу 15 минути додека компирите целосно не се сварат.
Манџата послужете ја со свеж магдонос по желба и парче леб.
