Не постои храна која магично ќе ги раствори несаканите килограми, но има некои намирници што можете да ги додадете во вашата исхрана за кои можеби не сте знаеле дека се поврзани со поголемо губење на маснотии.
Ова се намирниците кои го започнуваат вашиот метаболизам и ве прават да се чувствувате сити подолго време. И покрај тоа, скоро сите се многу вкусни.
Гуакамоле сос
Авокадото е полно со витамин Б6, кој се бори со хормонот на стрес кортизол. Токму овој хормон предизвикува сало на стомакот.
Авокадото обезбедува и мононезаситени масти. Тоа е здрава маст, која според една студија во Diabetes Care всушност може да ја спречи дистрибуцијата на телесните масти околу стомакот. Здравите масти од авокадо ќе ве држат сити подолго време.
Темно чоколадо
Дали чоколадото помага во согорувањето на мастите? Да, но само темната верзија.
Истражувачите од Државниот универзитет во Луизијана открија дека чоколадото го зголемува производството на полифенолни соединенија кои се здрави за цревата, вклучително и масната киселина, која ги укинува гените поврзани со воспалението и го поттикнува телото да согорува масти како гориво.
Вода со лимон
Не е изненадувачки, водата е од суштинско значење за вашиот метаболизам да функционира најдобро.
Но, ако додадете лимон, ќе внесете и антиоксиданс во кората од лимон, за кој една студија покажа дека има терапевтски ефекти врз метаболичките нарушувања, кај глувците со дебелина предизвикана од исхраната богата со масти.
Сенф
Научниците од англискиот Политехнички институт Оксфорд открија дека консумирањето една лажичка сенф всушност може да го забрза вашиот метаболизам за 25 проценти, неколку часа откако ќе го изедете.
Чоколадно млеко
Чоколадното млеко со малку маснотии всушност содржи осум грама протеини по шолја, што значи дека ако испиете малку пред и после тренингот, на телото му давате доволно протеини.
Кафе
Кафето е одлично за забрзување на метаболизмот, а се додека го пиете црно без млеко и вештачки засладувачи сте на добар пат.
Според една студија објавена во Physiology & Behavior , оние кои пиеле кафе со кофеин имале 16 проценти повисока просечна стапка на метаболизам од оние кои пиеле без кофеин.
Путер од кикирики
Кој не сака путер од кикирики? Оваа храна не само што има одличен вкус, туку содржи тони хранливи материи за рамен стомак – како мононезаситени масти и протеини.
Хумус
Хумусот се прави од наут, па логично е овој намаз да е полн со протеини. Но, најдобриот дел од хумусот е тоа што совршено оди со зеленчук богат со влакна, бидејќи навистина е заситен, нискокалоричен сос.
Зелени банани
Незрелите банани се богати со отпорен скроб, кој е вид на скроб кој може да помине низ тенкото црево без да се вари. Во суштина, тоа на крајот помага да се создадат здрави цревни бактерии, што доведува до подолго чувство на ситост.
А тука е и витаминот Б6, кој е хранлива материја која помага храната да се претвори во енергија.
Праски
Студијата спроведена од Texas AgriLife Research покажа дека праските го намалуваат ризикот од болести поврзани со дебелината и помагаат против воспаление.
Праските исто така имаат помалку шеќер од другите овошја.
Зелка
Зелката содржи многу влакна, а исто така може да помогне во намалувањето на нивото на холестерол, спречувајќи ја жолчката да ги апсорбира мастите по оброкот.
А што всушност е жолчката? Тоа е течност што ја лачи црниот дроб, која го помага варењето.
Црвени пиперки
Црвените пиперки се полни со витамин Ц, кој е антиоксиданс за кој е докажано дека го намалува нивото на хормонот на стресот. И кога сте под поголем стрес, имате високо ниво на кортизол, што може да доведе до складирање на маснотии во стомакот.
Грашок
Како што знаете, растворливите влакна се одлични за намалување на салото на стомакот, а гравот е полн со нив. Содржи многу протеини и малку масти.
