Ручек за гурмани…
Одлично се комбинира со пире од компири или тестенини
Потребни состојки:
1 кромид
2 чешниња лук
3 лажици маслиново масло
2 пиперки
2 домати
сол, бибер
суви зачини: оригано, босилек, мајчина душица
1/2 кг мелено говедско месо
1 јајце
1 главица кромид, ситно сечкана
1 чешне лук
2 лажици лебни трошки
1 лажица маслиново масло
2 еднакви лажички сол, бибер
коцки фета сирење
Подготовка:
Кромидот и лукот се сечкаат ситно, па се пржат на загреано маслиново масло. Потоа додадете ја измиената пиперка, исчистена од семки и исечкана на помали коцки. Пропржете кратко, па додајте ги измиените, исчистени и исечкани домати. Посолете, па намалете ја на средна температура, поклопете и динстајте 15-20 минути.
Во меѓувреме во сад се става меленото месо, се додава јајцето, кромидот, ситно сечканиот или испасиран лук, лебните трошки, маслиновото масло, солта и биберот, па се меша убаво и се меси додека не се добие мазна смеса. Одделете еднакви количини од смесата, малку израмнете ја, а потоа притиснете коцка сирење во средината, завиткајте го месото и формирајте ќофтиња. Повторете ја постапката додека има месо.
Кога зеленчукот е веќе динстаен, лесно измиксирајте го со миксер со стапче (да не се претвори во каша, туку да останат мали парчиња), потоа додадете ги и измешајте ги сувите зачини.
Готовиот сос истурете го во садот за печење. Одозгора наредете ги формираните ќофтиња. Се пече во загреана рерна на 200 степени 45 минути.
