Меки, посни земички со семе од сусам.
Состојки:
1/2 литар кисела вода
1 свеж квасец
4 лажици шеќер
2 лажички сол
200 мл масло
околу 1 кг брашно
млака вода
сусам
маслиново масло
Подготовка:
Во млака кисела вода измешајте го квасецот со шеќерот и оставете го да нарасне.
Во брашното додадете сол, додаден квасец и масло. Замесете средно меко тесто. Нека дојде.
Од тестото формирајте мали топчиња. Најважно е тестото нежно да го земете во рака и само малку да го обликувате, не месете го.
Се тркалаат од едната страна во млака вода, а потоа во сусам.
Се редат во намрсен плех и се остава да одмори малку.
Се пече на 250 степени додека не порумени.
Кога ќе ги извадите од рерна, веднаш премачкајте ги со маслиново масло.
