Вкусна, брза за приготвување и нискокалорична! Тестенини со пилешко и зеленчук. Ако барате нешто вкусно и нискокалорично за вечера, ова е одличен предлог.
Тестенините со пилешко и зеленчук се богати со витамини, минерали и протеини, па затоа се одлични за оние кои се грижат за линијата. Совет е да користите интегрални тестенини наместо обични тестенини.
Друг плус е што оваа вечера е подготвена за само 20 минути.
Потребни состојки:
500 гр пилешки гради,
500 гр тестенини,
1 тиквичка,
половина страк праз,
1 кромид,
2-3 моркови,
200 гр печурки,
Зачини: Пипер, Лажица масло, Соја сос.
Подготовка: Сварете ги тестенините, зеленчукот и белото месо пржете ги со масло. Посолете и додадете малку бибер по желба. Кога зеленчукот и месото се подготвени, измешајте сè со тестенините. Бидејќи ова е „лесна“ верзија на вечера, сосот во овој случај нека биде соја сос, кој ќе го прелиете на тестенините за подобар вкус.
