Фантастичен намаз кој можете да го користите на безброј начини. Да го премачкате на леб, палачинки, колач, американски палачинки….
Состојки:
- 200 гр путер од кикирики
- 400 гр презрели банани (3 поголеми банани)
- 10 гр рум шеќер (1 кесичка)
- 1 лажица рум
- 20 гр какао (1 лажица)
- 80 гр шеќер
Подготовка:
Изгмечете ги презрелите банани со миксер, блендер или вилушка и додајте ги сите останати состојки освен путерот од кикирики.
Гответе на умерена температура пет до десет минути додека малку не се згусне.
Се трга од шпорет и се додава путерот од кикирики, се промешува и се прелива во теглички.
Добар апетит!
