Дали користите ким во кујната? Ова лековито растение се користи повеќе од 4.000 години. Има многу лековити својства, па затоа не е чудно што се користел како лек во древниот Египет.
Расте во областа од источниот Медитеран до Азија, а особено во Индија, која е нејзин најголем производител. Кимот е незаменлив дел од индиските кари и многу други интернационални јадења.
Поточно, во готвењето се користат семки од ким, кои имаат зачинет сладок вкус со траги на горчина, а кој многу наликува на анасон. Кимот е исто така многу силен зачин, затоа користете го умерено.
Во блискоисточната кујна, кимот се додава во сите јадења со грав и наут. Главната причина? Ја спречува надуеноста и ветровите предизвикани од конзумирањето на овие мешунки. Вечерта пред готвењето задолжително ќе го натопат гравот, а потоа ќе додадат малку ким при готвењето.
Доколку имате проблеми со надуеност и ветрови, можете да ја испробате и техниката на џвакање прстофат семки од ким неколку пати на ден со претходна консултација со вашиот лекар.
Некои истражувања покажаа дека семките од ким ја стабилизираат цревната флора и можат да помогнат во лекувањето на гастроинтестиналните нарушувања, да го спречат растот на лошите и да го поттикнат растот на добрите бактерии.
Кимот може да се најде на пазарот во специјализирани продавници за зачини или продавници за здрава храна во форма на семки или прав.
