Мајчинството со себе носи прекрасни чувства и неопислива љубов. Но, да се биде мајка е често стресно и воопшто не е лесно, особено денес, кога од мајките се очекува да бидат совршени во „својата улога“ и кога се гледаат под лупа.
Социјалните мрежи, роднините кои секогаш знаат подобро и љубопитните познаници кои се полни со „добронамерни“ совети – многу влијаат на зголемувањето на стресот, кој се јавува поради големиот број обврски и грижа за семејството. Терминот „burnout“ потекнува од 1970 година.
Ја користел американскиот психолог Херберт Фројденбергер за да ги опише последиците од сериозниот стрес во професиите насочени кон помагање на другите луѓе.
Денес сите добро знаеме дека исцрпеноста може да му се случи на секого, без разлика со која професија се занимава. Исцрпеноста е се почеста кај мајките, па затоа група психолози за Shape списанието даде совети и насоки со кои тоа може да се избегне и ублажи.
Споделете ги дневните цели со членовите на семејството
Не правете сè сами. Направете дневна или неделна to-do листи и распоред на состаноци. Вклучете го вашиот партнер во ова, а ако децата се доволно возрасни вклучете ги и нив. Запомнете дека не треба да правите сè сами и дека заслужувате помош од вашето семејство. Заедничките обврски можат дополнително да ве поврзат.
Земете барем еден ден одмор
Експертите велат дека најдобро е списокот со обврски да се стави на видно место, на пример во кујната. Кога имате список на обврски на видно место и деновите во кои ќе ги извршувате – можете полесно да се опуштите и да најдете барем слободен ден што мора да го имате за да избегнете исцрпеност.
Ослободете се од мислите и обврските преку вежбање
Ако сте преплавени со обврски до тој степен што не наоѓате време за себе – веројатно ќе доживеете прегорување. Вечерните или раните утрински тренинзи можат да бидат одличен начин да се ослободите од мислите. Ако не ви се допаѓа тренерот, секогаш можете да одите на прошетка или да се занимавате со некое друго хоби што ќе ве опушти и ќе ве одвлече од мислите и обврските.
