КОКОС БАКЛАВА: Уште една варијанта на кралица на ориенталните десерти
СОСТОЈКИ:
● 500 гр кора од баклава
● 5 јајца
● 2 чаши шеќер
● 1 шолја масло
● 1 чаша јогурт
● 200 гр кокосово брашно
● 1 прашок за пециво
Сируп (шербет):
● 4 шолји шеќер
● 5 шолји вода
● 1 ванилин шеќер
ПОДГОТОВКА
Јајцата се матат со шеќерот, па се додаваат маслото, јогуртот и кокосовото брашно со прашокот за пециво. Измешајте сè.
На дното на подмачкан плех ставете две кори, па филот. Повторно ставете две кори, па филот и така додека не се потрошат состојките.
На крајот се ставаат три кори, се сече баклавата на ромбови, па се премачкува со масло.
Се пече на 200 степени околу 40 минути.
